“Syri i Kaltër” jepet me qira tek privati, ministria e Financave nuk ka asnjë përgjigje për “Pse-në”

15:29 | 31/10/201915:290

Ministria e Financave dhe Ekonomisë do t’i japë me qira privatit për 10 vjet  “Syrin e Kaltër”.  Abc News ka mësuar se ky vendim nuk është konsultuar me Agjencinë e Zonave të Mbrojtura ndonëse kjo është një zonë e mbrojtur.

“Syri i Kaltër” do t’i jepet me qira një kompanie private për dhjetë vjet. Ministria e Financave dhe Ekonomisë e ka njoftuar në faqen e Agjencisë së Prokurimit Publik.  “Syri i Kaltër” është një zonë e mbrojtur, por pavarësisht kësaj burimet i thane Abc News se ministria nuk e ka konsultuar këtë vendim me Agjencinë e Zonave të Mbrojtura.

Kompania private që do ta marrë me qira “Syrin e Kaltër” do të vendose atje pesë kabina druri me sipërfaqe 470 metra katrore.  Për këtë, vlera minimale që do t’i paguajë shtetit është shtatëdhjetë e dy mijë e pesëqind lekë/në muaj.

“Kjo pasuri natyrore e vendit  jepet me qira me qëllim ushtrimin e veprimtarie ekonomike e cila lë gjenerojë të ardhura për punësimin e banorëve të zonës. Ajo duhet të ruajë destinacionin fillestar, atë të ushtrimit të veprimtarisë në fushën e akomodimit turistik”,  thuhet në njoftimin e publikuar në faqen e Agjencisë së Prokurimit Publik.

Aktualisht zona që do të jepet me qira është nën menaxhimin e kompanisë “Albturist T.O sh.a” një kompani në pronësi të Ministrisë së Financave.

Pse një pasuri e tillë natyrore si “Syri i Kalter” që gjeneron të ardhura të konsiderueshme financiare nuk mund të menaxhohet nga shteti, por duhet ti jepet me qira privatit?

Abc News kërkoi një shpjegim nga Ministria e Financave, por nuk mori përgjigje.  Ndërkohë vetëm pak kohë më parë Ministri i Turizmit dhe Mjedisit Blendi Klosi deklaroi se pika turistike e “Syrit të Kaltër” po degradohej.

Shkak për këtë ishte mënyra e vjetëruar e menaxhimit dhe trajtimit. Klosi gjithashtu bëri me dije se ministria ka përgatitur dhe një projekt të ri që do të zbatohet në vitin 2020. Por a parashikon ky projekt dhënien me qira të “Syrit të Kaltër” siç njoftuan financat apo diçka tjetër mbetet të shohim./ABC News Albania 


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono