Suedi, dështon përpjekja e radhës për formimin e qeverisë

22:31 | 13/10/2018

Në Suedi ka dështuar përpjekja e radhës për formimin e qeverisë së re, pas zgjedhjeve të shtatorit. Partitë që bëjnë pjesë në bllokun Aleanca kanë refuzuar propozimin e kreut të partisë të Moderuarit për një qeveri të vogël.

Në Suedi ka dështuar përpjekja e radhës për të dalë nga ngërçi politik që ka përfshirë vendin që prej zgjedhjeve të shtatorit. Kanë qenë dy partitë e qendrës së djathtë që kanë refuzuar kërkesën e liderit të partisë të Moderuarit, Ulf Kristerson, për të formuar qeverinë. Asnjë nga fraksionet politike, qoftë blloku i djathtë e as ai i majtë nuk kanë fituar mjaftueshëm vota në zgjedhjet e shtatorit për të formuar qeverinë dhe të gjitha kanë përjashtuar ndërkohë mundësinë e bashkëpunimit me partinë anti-emigracion Demokratët e Suedisë, që kanë në dorë balancën e pushtetit. Kristerson, i ngarkuar me detyrën e formimit të qeverisë, deklaroi se ishte përgatitur për të ftuar për bashkëpunim jo të katërta partitë e bllokut të tij, i njohur si Aleanca.

Por kreu i liberalëve, Jan Bjorklund tha se nuk do të mbështesë kurrë një qeveri të përbërë vetëm nga të Moderuarit dhe Kristian-Demokratët. “Një qeveri e përbërë vetëm nga kristian-demokratët dhe të moderuarit do të jetë e dobët dhe vendi do të rrezikojë të shkojë në zgjedhje të parakohshme, nga të cilat populistët do të dalin më të fortë”, deklaroi Bjorklund. Në të njëjtën linjë, kryetarja e qendrës Ani Lof, gjithashtu pjesë e Aleancës, u shpreh se në marrëveshje duhet të përfshihen të gjitha partitë. Të gjitha partitë politike në Suedi kanë refuzuar deri më sot çdo marrëveshje të mundshme me Demokratët e Suedisë, parti që i ka rrënjën në supremacinë e bardhë. Kjo e fundit ka refuzuar nga ana e saj të mbështesë çdo qeveri që nuk i jep të drejtë në vendimmarrje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono