Stuhia e dëborës, viktima në Nju Jork

22:55 | 16/11/2018

Stuhia e dëborës që ka përfshirë pjesën lindore dhe atë gjysmë perëndimore të Shteteve të Bashkuara ka shkaktuar vdekjen e të paktën 8 personave. Sipas raportimeve të mediave amerikane, vdekjet kanë ardhur kryesisht si pasojë e aksidenteve rrugore.

Ndërkohë, rreth 389 mijë qytetarë kanë mbetur pa energji elektrike, ndërsa 1 mijë e 800 fluturime nga aeroportet nju-jorkeze janë anuluar dhe 4 mijë e 600 të tjera janë vonuar. Reshjet e dendura të dëborës, të shoqëruara me akull, erë dhe acar u spostuan mbrëmjen e së enjtes në zonën lindore, duke paralizuar Nju Jorkun në orën e pikut.

Trafiku mbeti i bllokuar për disa orë në rrugë dhe autostrada, si dhe në urën “Xhorxh Uashington”, që lidh Manhatanin me veriun e Nju Xhersit. Paraliza ka prekur edhe transportin hekurudhor, ku disa udhëtarë kanë pritur për 7 orë.

Ndërkohë, bashkia e metropolit amerikan është përfshirë nga kritikat për keqmenaxhim të situatës, kryesisht për rrugët dhe trotuaret, ku bora dhe ngricat kanë pamundësuar edhe lëvizjen në këmbë. Sipas NBC News, në Nju Jork nuk binte një dëborë e tillë që prej vitit 1938./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono