Spanjë, qeveria bën gati zhvarrimin e eshtrave të Franco

12:52 | 12/02/2019

Qeveria spanjolle po përgatit zhvarrimin e eshtrave të Francisko Frankos, njeriu që qeverisi me grusht të hekurt Spanjën për më shumë se 30 vjet. Ndërkohë familja e diktatorit ka reaguar duke akuzuar kryeministrin Sançez se po bën gjithçka për qëllime politike.

Qeveria socialiste e Spanjës synon të miratojë të premten e ardhshme një dekret për heqjen e eshtrave të diktatorit Francisko Franko nga mauzoleumi i madh jashtë Madridit. Edhe pse kanë kaluar më shumë se 40 vjet nga vdekja e tij, epoka e Frankos mbetet një çështje shumë e ndjeshme në Spanjë.

Plani për lëvizjen e eshtrave të tij, që është shtyrë disa herë në muajt e fundit, ka përçarë shoqërinë iberike dhe partitë politike. Ndërsa familja e diktatorit kundërshton zhvarrimin. Sapo urdhëri për zhvendosjen të aprovohet, qeveria e kryeministrit Pedro Sançez do t’i japë familjes Franko 15 ditë për të zgjedhur një vend për rivarrimin e tij.

Gjatë regjimit të Frankos, në vitet 1939-1975, dhjetëra mijëra kundërshtarë të tij u vranë dhe u burgosën në kuadër të një fushate për të shfarrosur disidentët. Zhvarrosja e eshtrave të Frankos përpara përfundimit të mandatit kishte qenë një nga premtimet kryesore të Sançez, bashkë me një sërë masash të tjera për të tërhequr votuesit e krahut të majtë.

Plani për të aprovuar dekretin vjen mes spekulimeve se Sançez mund të organizojë mbajtjen e zgjedhjeve të parakohshme nëse qeveria e tij, që kontrollon më pak se çerekun e Parlamentit, dështon të bindë ligjvënësit të mbështesin buxhetin e tij në seancën e së mërkurës./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono