Spanja në krizë, shkarkohet trajneri 1 ditë para fillimit të Botërorit


12:17 | 13/06/2018

Vetëm një ditë larg nisjes së botërorit trajneri i kombëtares spanjolle Julen Lopetegui është shkarkuar nga posti i tij. Federata spanjolle vendosi që pas zyrtarizimit për marrëveshjen mes Real Madridit dhe tashmë ish-trajnerit, ai nuk do të drejtojë më lojtarët spanjollë.

Presidenti i federatës spanjolle të futbollit zyrtarizoi shkarkimin e trajnerit të kombëtares, Julen Lopetegui. Ai shtoi se askush nuk ishte në dijeni se tekniku bask kishte arritur një marrëveshje me Real Madridin, për të drejtuar madrilenët sezonin e ardhshëm.

Trajneri Bask u konfirmua të hënën nga Real Madrid si trajneri i sezonit të ri, në një kohë që Spanja debuton në Botërorin e Rusisë të premten përballë Portugalisë. Edhe pse ende nuk ka një emër zyrtar për zëvendësin e tij, kandidati më i mundshëm është Fernando Hierro së bashku me Selades si zëvendësin e tij, të dy ish-lojtarë të Real Madridit.

Presidenti i federatës spanjolle të futbollit, Rubiales shtoi se lojtarët i kishin kërkuar që të mos e shkarkonte trajnerin, por pas një bisede të shkurtër, ata e kishin kuptuar arsyen e këtij vendimi, duke premtuar se do të impenjohin maksimalisht në fushë.

Duke mos dhënë asnjë detaj për emrin e ri të pankinës spanjolle, Rubiales theksoi se nuk do të ketë ndryshime në formacion apo në strukturën e skuadrës e të lojtarëve./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono