Sllobodan Petroviç: Më sulmoi këshilltari i ish-ministrit

15:39 | 20/03/2019

Pas sulmit fizik në një nga lokalet e Prishtinës, deputeti serb në parlamentin e Kosovës Sllobodan Petroviç deklaroi se njëri nga agresorët ishte këshilltari I ish ministrit të Bujqësisë në qeverinë e Kosovës, Nenad Rikallo.

Deputeti serb i Kuvendit të Kosovës, Sllobodan Petroviç, konfirmoi se sulmi fizik ndaj tij, paraditen e sotme në një nga lokalet e Prishtinës, ishte i motivuar politikisht. Në një deklaratë për media t’ia tha se njëri nga agresorët ishte këshilltari i ish-ministrit të Bujqësisë në qeverinë e Kosovës, Nenad Rikallo. Petroviç sqaroi se mëngjesin e të mërkurës ai ishte i ftuar në një emision në radio televizionin e Kosovës. Gjatë intervistës ai kishte komentuar punën e ish ministrit Rikallo.

pas përfundimit të emisionit ai ishte ulur në një nga lokalet pranë parlamentit kur dy persona e ofenduan rëndë dhe më pas e sulmuan fizikisht. Deputeti serb u shpreh se policia mbërriti pothuajse menjëherë në vendngjarje, dhe se ai kishte dëgjuar një nga agresorët të telefononte zëvendësministrin e Policisë nga Lista Serbe, duke i thënë Petroviçit se nuk mbaronte këtu.

Petroviç theksoi se nuk kishte asnjë parti e asnjë kryetar, që ta detyronte atë, dhe kolegët e tij, që të ndryshonin politikën e tyre duke I drejtuar në konflikt me fqinjët. Ai shtoi se partia Liberale Serbe, është partia që ka jetë më të gjatë në Kosovën e pasluftës, dhe është një parti politike që ka rezultate konkrete.

“Për mua dhe partinë time politike, ekzistojnë dy lloje të njerëzve, të mirë dhe të këqij. Unë jam përfaqësues i serbëve në Kuvend, dhe do t’i mbroj interesat e tyre dhe do të angazhohem për jetën e tyre më të mirë. Ata mund të më sulmojnë lirisht, mund edhe të më vrasin, unë nuk jam njeri që frikësohem, dhe ata nuk mund të më frikësojnë”, përfundoi ai./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono