Skënder Gega rinovon zyrtarisht kontratën si trajner i Partizanit

11:31 | 22/01/2019

Partizani rinovon zyrtarisht me trajnerin Skënder Gega. Kontrata e re vlen deri në vitin 2020, me rrogën e dytë më të lartë të një trajneri në Superligë.

U menduan mirë, por nuk iu drodh dora aspak kur vendosën. Drejtuesit e Partizanit rinovuan zyrtarisht kontratën me trajnerin e tyre, Skënder Gega, madje duke e vlerësuar lart.

Klubi kryeqytetas njoftoi arritjen e marrëveshjes me një lajmërim në faqën zyrtare në FB, dhe informoi se kontrata e re vlen për 1 sezon e gjysmë, deri në qershor të 2020-ës.

Më herët, Gega erdhi me një akord 6-mujor, që do të rishikohej në bazë të rezultateve. Sukseset e trajnerit, që mbylli fazën e parë të sezonit në krye të Superligës, bënë edhe që shpërblimi financiar të jetë i madh.

Burime brenda klubit bëjnë me dijë se rroga do të jetë 5 000 euro në muaj, me shumë gjasë, paga e dytë më e madhe e një trajneri në kampionatin shqiptar, pas asaj të Ilir Dajës tek Flamurtari.

Gjithsesi, kënaqësia për Gegën me siguri ka qenë përgjysmë, pasi ai ende nuk ka marrë lojtarët që I ka kërkuar klubit.

Ai pret për një qendërsulmues dhe një mbrojtës të djathtë, ndërsa koha tashmë mund të thuhet se ka kaluar, pasi të premten rinis Superliga me ndeshjen Skënderbeu-Partizani.

Kryeqytetasit thuhet se janë pranë sulmuesit Tomas Simkoviç, por ende nuk ka konkretizim të një marrëveshjeje.

Sidoqoftë, Gega mund të ndihet i kënaqur me fazën përgatitore, pasi skuadra u stërvit mjaft mirë, dhe bëri paraqitje me nivel në të tria ndeshjet miqësore ne Antalia. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono