Skandali me të dhënat e Facebook, mbyllet Cambridge Analytica


12:47 | 03/05/2018

Kompania e konsulencës, e përfshirë në skandalin me të dhënat e përdoruesve të Facebook, ka mbyllur aktivitetin e saj. Pavarësisht këtij veprimi, hetimet do të vijojnë.

Cambridge Analytica ka mbyllur të gjithë veprimtarinë e saj. Kjo është bërë e ditur nga vetë kompania britanike me anë të një deklarate.

“Në muajt e fundit, Cambridge Analytica ka qenë subjekt i disa akuzave të pabazuara dhe, pavarësisht nga përpjekjet e kompanisë për të korrigjuar informacionin, është denigruar për aktivitete që nuk janë vetëm ligjore, por janë pranuar gjerësisht”, thuhet në shënim.

Kompania, e cila ka filluar procedurat e falimentimit në Mbretërinë e Bashkuar, ka qenë në qendër të skandalit të të dhënave të përdoruesve të Facebook.

Cambridge Analytica akuzohet se ka përdorur për qëllime elektorale të dhënat e mbledhura nga studiuesi Aleksandr Kogan. Informacionet janë siguruar, me konsensusin e Facebook dhe atë të përdoruesve në 2013, përmes një testimit të personalitetit në formën e një aplikacioni.

Për këtë skandal pati reagime të shumta si dhe u hap një hetim në Mbretërinë e Bashkuar. Dyshohet se në mënyrë të papërshtatshme janë përdorur të dhënat personale të rreth 87 milionë personave në të gjithë botën. Gjithashtu besohet se kompania e konsulencës ka ndikuar në zgjedhjet presidenciale amerikane si dhe referendumin për Brexit.

“Hetimet do të vazhdojnë. Mbyllja e Cambridge Analytica nuk ndryshon angazhimin tonë dhe përkushtimin për të kuptuar ekzaktësisht se çfarë ka ndodhur”.

Kështu deklaron Facebook duke komentuar pezullimin e aktivitetit. Gjithashtu rrjeti social më i madh në botë tregon se po punon që kjo të mos përsëritet./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono