Skandal në Brazil, Ministri i Drejtësisë komplotoi për të burgosur ish- Presidentin

13:20 | 11/06/2019

Mediat braziliane kanë publikuar një skandal sipas të cilit ministri i drejtësisë dhe disa prokurorë kanë komplotuar për të futur në burg ish-presidentin e vendit Lula. Kjo, për të shmangur pjesëmarrjen e tij në zgjedhjet presidencialet të vitit 2018.

Ministri Brazilian i drejtësisë, Serxho Moro, dhe disa prokurorë komplotuan për të futur në burg ish presidentin Da Silva, në mënyrë që ai të most ë kandidonte në zgjedhjet presidenciale të 2018-ës. Është ky skandali që ka shpërthyer në vend pas publikimit të disa dokumenteve të rezervuara, e-maileve, diskutimeve private dhe fotografive. Lajmi është publikuar nga “The intercept”, uebsajti informative i themeluar nga Glen Grinuald, personi që ndihmoi Eduard Snouden që të zbulonte sistemin e përgjimit global që ishte krijuar nga shërbimi i inteligjencës së Shteteve të Bashkuara të Amerikës. Moro, i cili para se të bëhej ministër në qeverinë e Hair Bolsonaro, kishte drejtuar hetimet që dënuan për herë të parë Lulën në 2017. Më pas ai ka mashtruar sistematikisht së bashku me prokurorë të tjerë për të fajësuar ish presidentin e Brazilit. Objektivi ishte që Lula të qëndronte jashtë garës elektorale.

Në momentin e dënimit dhe deri në shtator kur gjykata e lartë nuk pranoi kandidimin e Lulës, ky i fundit mbetej sërish në krye të sondazheve.

Duke u bazuar tek këto elementë të rinj gjykata e lartë e Brazilit, do të rishqyrtojë kërkesën për lirimin nga burgu të ish Presidentit. Lula u dënua për korrupsion dhe pastrim parash me 8 vjet dhe 10 muaj burg duke filluar nga muaji prill i këtij viti.

 /ABC News Albania 24/7



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono