Situata pas tërmeteve, kryeministri takim me ministrat dhe prefektët

09:50 | 22/09/201909:500

Kryeministri Edi Rama do të zhvillojë një takim me ministren e Mbrojtjes, Olta Xhaçka; ministrin e Brendshëm, Sandër Lleshaj, prefektët dhe drejtues të Forcave të Armatosura për situatën pas tërmeteve që tronditën Shqipërinë.

Takimi do të zhvillohet në orën 10:00 në ambientet e Ministrisë së Mbrojtjes. Më herët, kreu i qeverisë postoi në rrjetet sociale disa fotografi, ku thoshte se vijon puna nga strukturat e shtetit për t’iu gjendur pranë qytetarëve të prekur nga tërmetet.

“Mirëmëngjes dhe me këto pamje të punës që vijon pa ndërprerje për t’iu gjendur pranë qytetarëve të prekur nga tërmetet e djeshme dhe për të lehtësuar pasojat e dëmeve të shkaktuara, ju uroj një të dielë të qetë”, shkruan kryeministri Rama.

Në orën 16:04 të së shtunës, vendi jonë u godit nga një tërmet me magnitudë 5.8 të shkallës Rihter. Si pasojë u raportuan dëme të shumta materiale dhe shumë persona të plagosur.

Më herët gjatë së dielës, Ministria e Shëndetësisë njoftoi se gjithsej kanë marrë ndihmë mjekësore 105 persona. Pjesa më e madhe e kanë lënë spitalin, ndërsa vazhdojnë të marrin shërbim mjekësor vetëm 10 persona./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono