Si e kanë pritur metalurgët e Elbasanit vendimin e qeverisë?

15:06 | 26/05/201915:060

Në Elbasan aktualisht banojnë gjysma e atyre që kanë punuar në metalurgji, miniera e në naftë. Kjo për shkak që ky qytet dikur ishte qendra industriale e vendit.

Kalojnë kohën këtu bashkë duke luajtur domino a tavëll në lulishte. Pas shumë përpjekjesh kanë fituar statusin. Projektligji mori miratimin në parlament.

Elbasani dikur ishte qendra industriale e Shqipërisë dhe rreth gjysma e tyre në shkallë vendi ndodhen këtu. Kjo për shkak të Kombinatit Metalurgjik dhe përqëndrimit të industrisë së rëndë. Vetëm në metalurgji punonin 12 mijë punëtorë dhe metalurgë. Në minierat e Përrenjasit ishin të angazhuar me punë mbi 1500 minatorë, kurse në Rafinerinë e Naftës në Cërrik 500 vetë. Janë të gjitha kategori që përfitojnë nga vendimi i fundit i qeverisë për statusin e metalurgëve, minatorëve dhe naftëtarëve.

Sali Dardha, inxhinier dhe ish metalurg:Çdo gjë sado e vogël po qe e mirë duhet vlerësuar. Në këtë parim nisma e qeverisë duhet çmuar”.

Sipas projektligjit mosha e daljes në pension për minatorët bëhet 55 vjeç. Për naftëtarët dhe metalurgët bëhet 60 vjeç ose 5 vjet para daljes në pension të shtresave të tjera.

Parashikohet që paralelisht ata që kanë punuar në miniera, naftë apo metalurgji kur të dalin në pension do të marrin edhe një shtesë të lidhur me vitet e punës në këto profesione të vështira.

“Unë e prita shumë mirë këtë vendim dhe shpresoj që të marr një pension të mirë” .

Për minatorët 1 për qind shtesë për çdo vit pune në minierë, për naftëtarët dhe metalurgët 0.6 për qind shtesë për çdo vit pune. Në total përfitojnë 23 mijë e 450 persona pjesa dërmuese e të cilëve, ose gjysma, banojnë në qarkun e Elbasanit. Sa i përket prespektivës ligji detyron kompanitë private të minierave, metalurgjisë apo naftës që të paguajnë kontribute shtesë, me qëllim që punonjësit e tyre të marrin pagesa më të larta kur të dalin në pension.

Gazetar i ABC News, Elbasan: Fatos Salliu

/ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono