Shuhet në moshën 89 vjeçare shkrimtari Fatos Arapi

09:30 | 11/10/2018

Shuhet në moshen 89 vjeçare shkrimtari i njohur Fatos Arapi. Studiues dhe shkrimtarë shprehin vlerësime për veprën e tij. Paralamenti mbajti një minutë heshtje, ndërsa Biblioteka Kombëtare, çeli një ekspozitë me veprat e tij.

Është ndarë nga jeta në moshën 89 vjeçare shkrimtari i njohur Fatos Arapi . Vepra Arapit është e pasur në llojet e zhanret e ndryshme, por studiuesit dhe shkrimtarët veçojnë tek ai poezinë.

Behar Gjoka, studiues: “Natyrisht ikja nga jeta e poetëve, e kësaj pulëbardhe të letërsisë shqipe, shkakton një lëvizje tektonikë për sa i përket poezisë dhe letërsisë shqipe.”

Tonin Çobani, shkrimtar: “Poetët mbeten me poezinë e tyre. Fatosi është një poet lirik i lindur. Ka një lirizëm kaq të thellë sa mund të përfshihen njerëzit e shumë epokave në këtë lirizëm të tij.”

Prej më shumë se 10 vitesh Fatos Arapi ka përzgjedhur të qendrojë i vetëizoluar, Behar Gjoka e shpjegon kështu këtë fakt.

Behar Gjoka, studiues: “Arapi ka folur me poezi, me letërsi, arapi ka folur me heshtjen e tij. Ka mote që hesht sepse ka folur me librat e tij. Ka mote që askush se dinte që është ndër të gjallët. Me sa duket jemi tek fati i poetëve gjeni, tek fati i mjeshtrave të fjalës që pasi kanë thënë gjërat tërhiqen në heshtjen e tyre.”

Tonin Çobani thotë se shpesh renditja në letersinë bashkëkohore edhe në poezi është bërë: Ismail Kadare, Dritëro Agolli dhe Fatos Arapi i treti, por ai mendon të kundërtën.

Tonin Çobani, shkrimtar: “Arapin e vejnë të tretin, por po të marrin për nga poezia lirike për mua është i pari.”

Behar Gjoka, studiues: “Natyrisht, ky brezi i viteve ’60, gara ndërmjet shkrimtarëve është e hapur, është garë leximi. Për mua, natyrisht nëse Agolli ishte poet burimor, spontan, nëse Kadareja ishte poet që e kërkonte më së shumti ë laboratorin e procesit krijuae, Fatos Arapi ishte poet i lindur.”

Ndryshe nga shumë shkrimtarë, Fatos Arapi është ndër të vetmit i cili ka kërkuar falje për shkrimet nën diktaturë, sipas Behar Gjokës.

Behar Gjoka, studiues: “Unë para 10 vitesh takohesha me të dhe shpesh herë këmbenim fjalë nga më të çuditshmet he një lloj përmallimi të tij për poezinë shqipe. Për mua është i vetmi poet që kërkoi ndjesë për përpara ’90-ës. Të tjerët nuk e bënë këtë. Ai kërkoi ndjesë për sa i përket poezisë së shkruar më përpara.”

Tonin Çobani, shkrimtar: “Ai dinte të përballonte edhe atmosferën e veçantë që përballonte atëhere vendi ynë, nën atë trysni ideologjike. Por ky nuk ishte një tipik i kohës së vet.”

Fatos Arapi lindi në vitin 1929 në Vlorë, ku kreu shkollën e mesme, ndërsa studimet e larta i ndoqi në Bullgari (Sofje) në fakultetin e Matematikës dhe të Ekonomisë. Ka punuar shumë vjet gazetar dhe pedagog në Fakultetin Histori Filologji të Tiranës. Disa herë ka fituar çmime kombëtare e ndërkombëtare për poezi. Në vitin 2008 e fitoi “Kurorën e artë” në manifestimin poetik “Mbrëmjet e poezisë strugane” dhe është i pari poet shqiptar që e ka fituar këtë shpërblim./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT