Shuhet Fadil Vokrri/ Presidenti i Futbollit të Kosovës vdes nga infarkti


11:18 | 09/06/2018

Kosova troditet nga vdekja e parakohshme e Fadil Vokrrit. Legjenda e futbollit u shua në moshën 57-vjeçare pasi shkëlqeu fort në fushë dhe jashtë saj.

Nuk e pati fatin të rronte gjatë. Edhe një legjendë si Fadil Vokrri nuk mundi të luftonte me vdekjen, në momentin që ajo i erdhi, dhe Kosova mbeti pa yllin më të madh të saj të futbollit.

Po ashtu, edhe Shqipëria nga një më të mëdhenjtë e topkëmbës së Kombit.

Vokrri, president i Federatës së Futbollit të Kosovës, u nda nga jeta në moshën 57-vjeçare në Qendrën Klinike Universitare në Prishtinë, i dërguar atje me urgjencë pas komplikacioneve shëndetësore.

Mjekët u shprehën se ai pati atak në zemër dhe erdhi I pajetë në spital.

Ai lindi në korrik të vitit 1960 në qytetin e Besianës, që njihet edhe si Podujevë, dhe shkëlqeu shpejt si futbollit.

Vokrri u shqua si sulmues i Prishtinës, me të cilën luajti në vitet 1980-1986 duke shënuar 55 gola në mbi 170 ndeshje, ndërsa më pas kaloi tek njëra nga skuadrat më të shquara të Jugosllavisë së asaj kohe, Partizani I Beogradit.

Në kryeqytet, shqiptari I Kosovës u bë idhull I tifozëve në 3 vite që luajti, duke shënuar shumë gola e duke fituar Kupën e Jugosllavisë.

U aktivizua edhe tek Nima në Francë dhe Fenerbahçe në Turqi.

Me përfaqësuesen e Jugosllavisë mori pjesë në 12 ndeshje duke shënuar jo pak, por 6 gola, siç mbahen mend ata ndaj Irlandës së Veriut apo ish-Gjermanisë Lindore.

Në vitin 2008 u zgjodh president I Federatës së Futbollit të Kosovës, të cilën e drejtoi për 10 vjet, duke arritur suksese të mëdha.

Me shumë meritë të tijën, Kosova u pranua në vitin 2016 në UEFA dhe në FIFA, duke fituar të drejtën për të marrë pjesë në Kampionatet Europiane dhe Kupat e Botës.

Po ashtu, klubet e shtetit më të ri të Europës u pranuan në kupat kontinentale.

Ekipi përfaqësues i Kosovës ka njohur rritje siç e tregoi edhe fitorja 3-0 në miqësoren me Shqipërinë në Zvicër.

Gjithsesi, futbolli i Kosovës do të duhet të bëjë që sot e tutje pa Fadil Vokrrin, dhe përfaqësuesja do të duhet të fitojë edhe për të. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono