Shtëpia e Bardhë pezullon akreditimin e gazetarit të CNN

11:34 | 08/11/2018

Shtëpia e Bardhë i hoqi akreditimin gazetarit të CNN pasi ky i fundit u përplas ashpër me presidentin Trump. Megjithatë në një deklaratë, Shtëpia e Bardhë thotë se arsyeja e këtij vendimi lidhet me një incident të reporterit me një stazhiere.

Shtëpia e Bardhë ka pezulluar akreditimin e korrespondentit të CNN, Jim Acosta pas përplasjes që pati me presidentin e Shteteve të Bashkuara Donald Trump gjatë konferencës pas-zgjedhore në Gjysëm Mandatit. Ku gazetari i rikujtoi se si karvani i emigrantëve është i përbërë nga njerëz të varfër dhe se si lideri amerikan i ka përshkruar gjatë fushatës elektorale, Trump u nervozua përballë rezistencës së Acostës: Ti je i pasjellshëm, një armik i popullit, CNN duhet t’i vijë turp që të ka si correspondent në Shtëpinë e Bardhë. Unë qeveris, ti mendo për CNN”, vijon Trump ndërsa në skenë bëri disa hapa në mënyrë të nervozuar para dhe mbrapa. Më pas një punonjës i Shtëpisë së Bardhë u përpoq t’i hiqte mikrofonin gazetarit.

ZëdhënsjaSarah Sandërs ka dhënë një deklaratë ku e akuzon Acostën se “ka prekur me duar” një stazhiere të re që po përpiqej t’i hiqte mikrofonin gazetarit. Zyrtarja e Shtëpisë së Bardhë e cilësoi sjelljen e reporterit “absolutisht të papranueshme”. Ndërkohë, lidhur me ngjarjen ka reaguar dhe CNN duke i ofruar mbështetje të plotë gazetarit. “Revokimi i akreditimit të tij është bërë si masë ndëshkuese për pyetjet e shtruara në konferencë për shtyp”, thuhet në deklaratën e medias amerikane. “Në një shpjegim, zëdhënsja për shtyp e Shtëpisë së Bardhë, Sarah Sanders ka gënjyer. Ajo shtroi akuza false dhe citoi një incident që nuk ka ndodhur kurrë. Ky vendim i paprecedentë është një kërcënim për demokracinë tonë dhe vendi meriton më mirë”, nënvizohet në deklaratën e CNN./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono