Shqiptari sfidon politikat e Trump, kafe falas për emgrantët  

11:31 | 13/01/2018

Gjergj Dollani 40 vjecari shqiptar, një nga të parët që ka përfituar nga llotaria amerikane që në 1994-ën ka zgjehdur të sfidojë hapur politikat anti emigrantë të presidentit amerikan Trump. Në kafenenë e tij në Uashington Dc ai ka vendosur të ofrojë falas kafe për emigrantët që vijnë nga Haiti, El Salvador, Afrika dhe Norvegjia.

Uashington Post i ka bërë jehonë gjestit të 40 vjeçarit shqiptar Gjergj Dollani i cili jeton dhe punon në Uashington DC. Pronar i një kafeneje ai ka vendosur tu ofrojë kafe falas emigrantëve nga Haiti, El Salvador, dhe Afrika; një ditë pasi presidenti amerikan Tramp pyet se pse SHBA duhet të pranoje emigrantë nga vende të tilla fundërrina.

Por Dollani gjithashtu i ofron kafe falas dhe norvegjezëve për të cilët kreu i Shtëpisë së Bardhë ka simpati.

Në intervistën e tij për Uashington Post, Gjergj Dollani shprehet se emigrantët që vijnë në vend i shtohen diversitetit që e bën amerikën të jetë ajo që është. Duke thënë se ai beson tek Amerika, ai sqaron se ka vetëm katër muj që e ka hapur kafenenë me emrin Chocolate caffe.

Dollani tregon se ka mbërritur në Shtetet e Bashkuara të Amerikës falë llotarisë amerikane, më pas përfitoi një bursë nga universiteti i Illinois për të studiuar për përgatitjen e llojeve të ndryshme të cokollatës. 40 vjecari ka jetuar për një vit në Francë që të mësonte më shumë rreth biznesit.

Dollani tregon se një nga nënpunësit e tij është nga Honduras dhe ka mbërritur në SHBA në moshën 5 vjeçare, me dy prindërit e tij si emigrantë të paligjshëm.

Sipas Dollanit të paktën një person nga Haiti ka shkuar në kafenenë e tij për të marrë kafenë falas./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono