Shqiptari humb jetën në aksident (Foto)

10:13 | 06/07/2019

Një shqiptar ka humbur jetën pas një aksidenti tragjik që ndodhi në autostradën Bologna-Padova të Italisë. Identiteti i tij nuk bëhet i ditur, por mësohet se viktima ishte 41 vjeç. Ngjarja e rëndë ndodhi rreth orës 15:40 të së premtes.

Siç shkruajnë mediat, në aksident u përfshinë dy makina. Shqiptari 41-vjeçar, i cili drejtonte një mjet tip “Fiat Doblo” u përplas me një “Peugot 208”. Për shkak të përplasjes së fortë, kjo e fundit u përfshi nga flakët.

Fatkeqësisht plagët ishin shumë të rënda për 41-vjeçarin, i cili ndërroi jetë në vendin e ngjarjes. Atje shkuan forcat policore, zjarrfikësit dhe mjekët, të cilët u munduan t’i japin ndihmën e parë shqiptarit, por pa rezultat.

Shkak i ngjarjes tragjike mendohet të jetë bërë ngadalësimi i shpejtësisë në autostradë, për shkak të një aksidenti tjetër të ndodhur pak më parë në të njëjtën zonë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono