Shqipëri plot pikëpyetje, Kosova “gradon” Rashicën si goleador

09:11 | 14/11/201909:110

Sonte shqiptarët do të ndjekin sa Shqipërinë edhe Kosovën. Kuqezinjtë dhe Dardanët përballen respektivisht me Andorrën dhe Çekinë. Për skuadrën e drejtuar nga Edoardo Reja është detyrim fitorja, për të shkuar me moralin e duhur në sfidën me Francën. Italiani ka shumë dilema në lidhje me formacionin.

Andorra është kundërshtari ndaj të cilit ndonjë lojtar do të marrë minuta. Reja nuk i ka të gjitha në dorë. Florian Kamberi shikohet si titullar, por është në dorë të FIFA-s. Nëse Ok vjen deri në mesditë, atëherë sulmuesi i Hibernian luan nga fillimi.

Dilema edhe për portën. Ndoshta sonte është radha e Etrit Berishës. Pikëpyetjet për formacionin janë të shumta, duke parë se edhe ndeshja me Francën luhet vetëm pas tre ditësh. Në mbrëmje pritet të zbulohet gjithçka.

FORMACIONI I MUNDSHËM
Shqipëria: Berisha, Ismajli, Gjimshiti, Veseli, Hysaj, Trashi, Bare, Ramadani, Ndoj, Manaj, Kamberi.

Kosova e ka finale në Çeki. Luhet për vendin e dytë dhe trajneri Bernard Challandes nuk ka në dispozicion sulmuesin kryesor, Vedat Muriqi. Gjiganti nga Prizreni është dëmtuar dhe trajneri zviceran mendoj t’i besojë rolin e sulmuesit Milot Rashicës.

Anësori i Werder Bremen po shënon shpesh në Gjermani dhe me shpejtësinë e tij do të jetë mjaft problematik për çekët. Ai do të ketë mbështetjen e Celinës dhe Hadërgjonajt nga krahët, si dhe të Valon Berishës. Rashkaj dhe Halili do jenë dy qendërmesfushorët e tjerë, ndërkohë që në mbrojtje rikthehet Kololli.

FORMACIONI I MUNDSHËM
Kosova:
Muric, Vojvoda, Rrahmani, Aliti, Kololli, Halimi, Rashkaj, Berisha, Hadërgjonaj, Celina, Rashica

/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono