Shpërthen vullkani Kilauea, frikë në ishujt Hauai


21:10 | 17/05/2018

Vullkani Kilauea në Hauai ka shpërthyer të enjten, duke bërë që një re gjigante tymi dhe hiri të ngrihet në ajër, deri në 9 kilometra lartësi. Shpërthimi ndodhi në orën 5 të mëngjesit me orën lokale, rreth orës 17 me tonën pas një seri lëkundjesh sizmike, më e forta prej të cilave 4.4 ballë. Stafi mbikëqyrës dhe vizitorë të parkut kombëtar të vullkanit ishin evakuuar më herët. Ndërkohë, autoritetet e aviacionit amerikan kanë dhënë për pilotët alarmin e kuq, që u rekomandon atyre të shmangin retë e hirit. Mali Kilauea nisi të lëshonte llavë rreth dy javë më parë, me lëndën përvëluese që avancoi duke dëmtuar shumë shtëpi dhe detyruar shumë banorë të largohen. Ditët e fundit Instituti Gjeologjik Amerikan kishte paralajmëruar rrezikun e një shpërthimi të fuqishëm për shkak se llava kishte humbur intensitet dhe magma po takohej me ujin nëntokësor. Agjencia për Menaxhimin e Emergjencave u ka bërë thirrje qytetarëve që të shmangin lëvizjet. Kilauea është një nga 5 vullkanët aktivë të Hauait. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono