Shkodër, zjarr godinës së shkollës ku ndodhet KZAZ nr.5

21:00 | 18/06/2019

Mbështetës të opozitës sulmuan shkollën “Shenaze Juka” në Shkodër, ku ndodhet KZAZ Nr. 5, dhe i vunë flaken materialeve zgjedhore.

Bashkë me simpatizantët e opozitës ishte edhe ish- deputeti i PD Bardh Spahia i cili deklaroi se në një shtet ligjor duhet të zbatohet dekreti i Presidentit.

Mbështetës të opozitës iu drejtuan mbrëmjen e së martës  KZAZ-se Nr. 5 në shkollën “Shejnaze Juka” në Shkodër.

Aty ndodheshin forcat e rendit që kishin marrë në ruajtje materialet zgjedhore.

Fillimisht simpatizantët e opozitës u përplasën me policinë pasi nuk i lejuan të hyjnë në godinë.

Më pas ata dëmtuan hyrjen kryesore dhe thyen xhamat e shkollës. Nga dritaret i vunë flakën me benzinë materialet zgjedhore.

Menjëherë në vendngjarje mbërriti edhe zjarrfikësja për të bërë të mundur shuarjen flakëve, por asgjë nuk shpëtoi.

Pasi u siguruan për djegien e plotë të materialeve zgjedhore mbështetësit e opozitës u larguan nga KZAZ Nr 5.

Bashkë me ta ishte edhe ish-deputeti i Partisë Bemokratike Bardh Spahia, i cili deklaroi se në një shtet ligjor duhet të zbatohet vendimi i Presidentit.

Më herët pati një reagim edhe kryetarja e bashkisë Shkodër Voltana Ademi, për përplasjet e ditëve të fundit mes uniformave blu dhe punonjësve të bashkisë për lirimin e ambienteve të KZAZ-së./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono