Shkatërrohen 4 grupe kriminale Shqipëri-Greqi, 57 të arrestuar

17:00 | 12/09/2019

Katër grupe kriminale u shkatërruan nga aksione te përbashkëta policore, të ndërmarra në Greqi dhe Shqipëri. Gjatë operacionit të Policisë së Shtetit, të koduar “LIMIT” u prangosën 57 persona, si dhe janë shpallur në kërkim 8 të tjerë që operonin në fushën e narkotikëve dhe trafikut të klandestinëve.

Katër grupe kriminale që trafikonin drogë nga Shqipëri drejt Greqi u shkatërruan nga policitë e dy vendeve, duke çuar në pranga 57 persona dhe shpallur në kërkim 8 të tjerë. Detajet e operacionit të koduar “LIMIT”, i cili ka nisur në 2016 u bënë të ditur nga kreu i Policisë së Shtetit, Ardi Veliu si edhe Prokurori i Krimeve të Rënda Vladimir Mara.

Sipas Veliut, operacioni policor u shtri në disa qytete të vendit, ku kontrollit për kanibis nuk i shpëtoi as Lazarati dhe zonat përreth tij.

“Në funksion të këtij hetimi, Task Forca Speciale Qendrore në Departamentin e Policisë Kriminale në bashkëpunim me Drejtoritë Vendore të Policisë Tiranë, Durrës, Fier, Vlorë, Gjirokastër, Korçë, Drejtorinë e Forcës së Posaçme Operacionale dhe FNSH-në, nën drejtimin e Prokurorisë pranë Gjykatës Shkallës së Parë për Krime të Rënda, finalizoi me sukses operacionin policor të koduar “LIMIT”, operacion i nisur më parë në bashkëpunim dhe koordinim të plotë me homologët e policisë greke”.

Rreth 300 efektivë u angazhuan në total, ndërsa bashkëpunimet u kërkuan edhe nga homologët e të Holandës nga ku vinte fara e kanabisit.

“Këtyre grupeve kriminale së fundmi i është sekuestruar rreth 120 kg lëndë narkotike e llojit kanabis, 4 kg kanabis në formë çokollate, 1.1 kg kokainë, bimë narkotikë të kultivuara, 3800 fara kanabis,  një laborator për kultivim të bimëve narkotike me ndricim artificial, telefona celularë dhe disa automjete.Aktiviteti kriminal i këtyre grupeve realizohej duke siguruar fara të bimës narkotike kanabis në Holandë, të cilat kalonin tranzit fillimisht drejt Greqisë dhe më pas në Shqipëri, ku dhe kultivoheshin.  Lënda narkotike kanabis e prodhuar trafikohej në Greqi, Turqi dhe në vende të tjera të BE-së, ku këto grupe kriminale kishin ngritur rrjetin e vet të shpërndarjes së lëndëve narkotike të llojit kanabis e kokainë”.

Për megaoperacionin reagoi edhe ministri brendshëm Sandër Lleshaj Sipas ministrit, vetëm gjatë një viti të operacionit “Forca e Ligjit” janë arrestuar 170 persona dhe sekuestruar 55 milion euro. /ABC News Albania 24/7

 

 

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono