Sherri pas ndeshjes, McGregor dhe Khabib priten të dënohen

23:53 | 10/10/2018

Priten dënime të ashpra pas sherrit që shpërtheu në ndeshjen për titull në artet marciale, në Las Vegas. Kampioni i botës, Nurmagomedov, mund të gjobitet me 2 milionë dollarë.

Vendimi i parë ishte një dënim i lehtë.

Konor Mekgregorit iu dha një raport mjekësor nga federata UFC pas humbjes me Khabib Nurmagomedovin, ndërsa u ndalua që të stërvitej për disa javë. Kjo për shkak të rrezikut shëndetësor pas dëmtimeve që pati në luftën ndaj kampionit nga Dagestani i Rusisë, ndërsa Mekgregorin besohet se e pret një dënim.

Pamjet filmike të siguruara nga tifozët pas ndeshjes, treguan se ishte pikërisht irlandezi që lëshoi grushtin e parë ndaj një anëtari të stafit të kundërshtarit, që kishte hyrë në kafaz për t’u përballur me të.

Mekgregori goditi trajnerin e quajtur Islam Mahaçev, i cili ia ktheu po me grusht, ndërsa më pas në sherr u përfshi edhe një pjesëtari tjetër i ekipit të Nurmagomedovit. Vetë kampioni botëror pritet të marrë dënim më të rëndë sesa irlandezi.

Nurmagomedov besohet se nuk do të marrë shpërblimin prej 2 milionë dollarësh për ndeshjen, ndërsa mund të gjobitet edhe me 2 milionë dollarë të tjerë. Po ashtu, ai mund të pezullohet për disa kohë dhe nga kjo të humbasë brezin e kampionit.

Gjithsesi, Nurmagomedov duket sfidues, pasi hodhi një foto në rrjetet sociale, i fotografuar pranë makinës së presidentit të federatës UFC, Dejni Uajt, e duke bërë shaka “me fat që më dha brezin e kampionit, ndryshe do t’i shkatërroja makinën”.

Kampioni 30-vjeçar nga Dagestani u prit si hero në republikën autonome të Federatës Ruse, ku mijëra tifozë u mblodhën për të, në kryeqytetin Mahaçkalla./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono