Shembet një pjesë e rruge nacionale Lushnje-Divjakë

14:52 | 06/11/201814:520

Një rrugë mjaft e frekuentuar nga banorë dhe që shërben për tregtarë të huaj, ajo e Lushnje-Divjakës është dëmtuar. Një pjesë e saj është shembur dhe banorët kërkojnë të ndërhyhet para se të nisin reshjet.

 

Një shkop i mbështjellë me qese plastike shërben si sinjalistikë që mjetet të mos kalojnë në zonë. Rruga është shembur në një pjesë të saj. Ky është segmenti nacional Pushimi i Shoferit-Divjakë i gjatë 24 km dhe që përdoret nga rreth 50 mijë banorë. Një zonë e rëndësishme në fushën e turizmit, agrobisnesit dhe bujqësisë. Pranë fshatit Gradisht, kilometri i parë është dëmtuar. Në gjatësinë prej 20 metër asfalti ka rënë i gjithë. Shembja ka nisur prej kohësh, por asnjëherë nuk janë marrë masa serioze për riparimin e saj. Një vit më parë, këtu u hodh një shtresë e hollë asfalti, i cili rezistoi vetëm disa muaj. Rreziku rritet gjatë natës sepse nuk ka ndriçim dhe pjesa e shembur është e padukshme për drejtuesit e mjeteve.

Banori 1: “Ka 1 vit kështu kjo pjesa këtu. Që kur qenë ato shirat e shumta.”

Banori 2: “Ditën edhe duket, por natën aty bëhet një katastrofë e paparë.”

Rruga ndërpritet nga linja hekurudhore Lushnje-Fier, e cila ndodhet disa metër pranë zonës së shembjes. Banorët i tremben sezonit të reshjeve pasi dëmtimi i rrugës mund të ndërpresë plotësisht qarkullimin rrugor.

Shoferi 1: “Para 1 vjave këtu ra motori dhe desh ra viktimë drejtuesi.”

Drejtuesi 2: “Këtu është gati për fatkeqësi, ishalla i ruan Zoti shoferët që kalojnë këtu.”

Rruga u shërben shumë mjete të tonazhit të rëndë dhe përveç frekuentimit turistik është zonë me potencial të lartë të zhvillimit bujqësor. Sipërfaqjet mbillen kryesisht për eksporte, ç’ka e bën shumë të frekuentueshëm nga të huajt linjën Pushimi i shoferit–Divjakë. Është nyje e rëndësishme e autostradës Lushnje-Fier, pasi lidh jugun e Shqipërisë me Divjakën dhe shkurton distancat me Tiranën./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono