Shemben disa banesa në Shkozë, tensione mes banorëve dhe policisë

16:15 | 16/10/201916:150

Fadromat e Inspektoriatit të Mbrojtjes së Territorit rinisën sot shembjen e disa banesave të tjera në zonën e Shkozës, të cilat preken nga gjurma e projektit të Unazës së Madhe. Banorët kanë bërë rezistencë edhe përballë policisë që shkoi në mbështetje të aksionit. Ata kërkojnë të dëmshpërblehen për shtëpitë e tyre para se ato të shemben.

Në orët e para të mëngjesit të së mërkurës banorët e Shkozës, shtëpitë e të cilëve preken nga ndryshimi i lumit të Lanës, u zgjuan nga zhurmat e fadromës së Inspektoriatit Ndërtimor Urbanistik Kombëtar.

Familjarët nuk janë kundër projektit, por kërkojnë që më parë të dëmshpërblehen ose të sistemohen diku tjetër me banesa sociale. Për disa çaste, situata u tensionua, qëndresa e kësaj familjeje bëri që INUK të shtyjë edhe për 24 orë prishjen e kësaj banese.

Luan Hoxha tregon se prishja po bëhet në mënyrë selektive nga Inspektoriati Ndërtimor. E vetmja shtëpi që u shemb ishte ajo e familjes Sinani.  Në mbështetje të banorëve të Shkozës ishte edhe ish-deputeti i PD, Aldo Bumçi.

Të enjten pritet të vijojë edhe shembja e 3 banesave të tjera në zonën e Shkozës. Në total janë 15 shtëpi që duhen të shemben nga ndryshimi i lumit të Lanës që është pjesë e Unazës së Madhe./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono