SHBA, policia vret të riun me ngjyrë
A man identified as Sonny Webber, right, father of Brandon Webber who was reportedly shot by U.S. Marshals earlier in the evening, joins a standoff as protesters take to the streets of the Frayser community in anger against the shooting, Wednesday, June 12, 2019, in Memphis, Tenn. (Jim Weber/Daily Memphian via AP)

23:59 | 13/06/201923:590

Vrasja e një 21-vjeçari nga policia në Shtetet e Bashkuara ka shkaktuar një protestë qytetare në Memfis, e cila është kthyer shumë shpejt në një luftë urbane, që ka lënë mbi 20 agjentë të plagosur.

Të paktën 24 oficerë policie në Memfis të Shteteve të Bashkuara kanë mbetur të plagosur në një protestë që nisi pasi një agjent qëlloi për vdekje një të ri me ngjyrë. Sipas autoriteteve në Tenesi, personi në fjalë tentoi të përplaste një grup sherifësh me makinën e tij përpara se të dilte prej saj i armatosur dhe të qëllohej.

Por protestat, që nisën natën mes së mërkurës dhe së enjtes me orën amerikane, detyruan agjentët të përdornin mburoja për t’u mbrojtur nga sulmet. Manifestuesit hodhën tulla, degë peme dhe gurë ndaj oficerëve, si dhe dëmtuan disa makina të parkuara në zonë.

Kryetari i Bashkisë, Xhim Striklend përmes një reagimi në rrjetet sociale bëri gjithashtu të ditur se protestuesit kishin dëmtuar edhe disa biznese dhe dritaret e repartit të zjarrfikësve të qytetit.

Ai vlerësoi policinë për vetëpërmbajtjen përballë agresionit të qytetarëve, veprimet e të cilëve i cilësoi të pajustifikueshme. Ndërkohë, autoritetet në Tenesi kanë deklaruar se kanë nisur një hetim në lidhje me vrasjen e kryer nga sherifët.

Kanë qenë familjarët që kanë bërë identifikimin e viktimës, 21-vjeçari Brendon Ueber. Kushëriri i tij tha për një të përditshme lokale se sherifët qëlluan të paktën 20 herë ndaj tij./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono