SHBA, ndërron jetë në moshën 92-vjeçare lideri i Ku Klux Klan


14:59 | 13/01/2018

Ka ndërruar jetë në moshën 92-vjeçare lideri i lëvizjes famëkeqe raciste në Shtetet e Bashkuara, Ku Klux Klan. Edgar Ray Killen ka vdekur në qelinë e tij, ku po vuante dënimin me 60 vjet burg për vrasjen e tre aktivistëve të të drejtave të njeriut. Ngjarja në fjalë tronditi mbarë Shtetet e Bashkuara dhe detyroi administratën e atëhershme amerikane të miratonte Aktin e të Drejtave Civile. Dënimi përfundimtar ndaj Killen u dha në vitin 2005, katër dekada nga ekzekutimi i James Chaney, Andreë Goodman dhe Michael Schëerner. Aktivistët, të tre rreth të njëzetave, ishin anëtarë të Kongresit për Barazinë mes Racave dhe po punonin për një fushatë për regjistrimin e votuesve me ngjyrë. Fillimisht ata u ndaluan nga policia pasi kishin vizituar vendin ku kishte ndodhur një shpërthim me qëllim intimidimin e komunitetit afro-amerikan dhe më herët ambjentet e një kishe që do të shërbente për arsimimin e fëmijëve. Pak pasi u lanë të lirë nga policia, ata ranë në pritën e Killen dhe njerëzve të tij, të cilët pasi i ekzekutuan zhdukën përgjithmonë trupat e tyre. Vrasja e trefishtë shërbeu gjithashtu si bazë për filmin fitues të çmimit Oscar, “Mississippi Burning”, në vitin 1988. Filmi në fjalë u realizua pas një hetimi të vështirë të FBI-së, e mbështetur nga prokurori i përgjithshëm Robert Kennedy, që hodhi dritë mbi ngjarjen që ka lënë gjurmët e saj në historinë e Amerikës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono