SHBA, milicia pro-Trump. Ndalon emigrantët në kufi me Meksikën

19:46 | 19/04/2019

Një video që tregon një milici amerikane pro-presidentit Trump që nën kërcënimin e armëve mban nën kontroll një grup emigrantësh në kufirin SHBA-Meksikë ka shkaktuar polemika. Militantët kanë deklaruar se do të kujdesen për kufirin derisa të ngrihet muri i propozuar nga presidenti.

Persona të armatosur, anëtarë të një milicie të krahut të djathtë në Shtetet e Bashkuara, kanë ndaluar rreth 300 emigrantë që përpiqeshin të kalonin e Meksikës. Pjesëtarët e Grupit, i quajtur Patriotët e Bashkuar Kushtetues, shihen në një video teksa mbajnë nën kontroll një grup emigrantësh të ulur në shkretëtirë. Veprimet e kësaj njësie janë dënuar nga grupet e të drejtave civile dhe zyrtarë të shtetit të Nju Meksikos, ku u ndaluan dhe refugjatët.

Milicia në fjalë njihet si mbështetëse e planit të presidentit Donald Trump për ngritjen e murit në kufi me Meksikën. Incidenti vjen në një kohë kur kalimet ilegale të kufirit kanë pësuar rritje, pavarësisht përpjekjeve të Shtëpisë së Bardhë për të frenuar fluksin. Videoja, e xhiruar nga një anëtar i milicisë më 16 prill, tregon një grup të madh emigrantësh që thuhet se sapo kishin kaluar kufirin në afërsi të lokalitetit Sanlend Park, të mbahen të ndaluar nën kërcënimin e armëve. Emigrantët, mes të cilëve shumë gra dhe fëmijë, qëndrojnë të ulur në errësirë dhe fytyrat e tyre ndriçohen vetëm nga dritat e drejtuara ndaj tyre nga anëtarët e milicisë.

Një zëdhënës i Patriotëve të Bashkuar Kushtetues ka deklaruar për “Nju Jork Tajms” se, grupi është vendosur në rajon në dy muajt e fundit dhe planifikon të qëndrojë derisa presidenti Trump t’ia arrijë qëllimit për ndërtimin e murit./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono