SHBA-Kore e Veriut/Lojërat Olimpike “ulin” tensionet

09:19 | 13/02/2018

Shtetet e Bashkuara dhe Koreja e Jugut kanë rënë dakord për qëndrimin që do të mbajnë ndaj Veriut dhe madje edhe për bisedimet eventuale që mund të zhvillohen me të. Lajmin e ka bërë të ditur zëvendës presidenti amerikan, Mike Pence, gjatë rrugës së kthimit nga Pençang, ku ndoqi hapjen e Lojrave Olimpike Dimërore. Në një intervistë për “Washington Post” dhënë nga bordi i “Air Force 2”, Pence ka deklaruar se në bisedimet e zhvilluara me liderët koreano-jugorë është rënë dakord që tratativat t’i nisë Seuli dhe menjëherë më pas të ndiqen nga Uashingtoni. Pence ka theksuar se strategjia është e tipit “presion maksimal dhe zotim”, që ndryshon nga ajo e mëparshme e ndërmarrë nga Shtetet e Bashkuara, që parashikonte vetëm presion derisa Peniani të hiqte dorë nga ambiciet bërthamore. “Presioni nuk zbutet derisa ata të bëjnë diçka që ne dhe aleatët ta konsiderojmë kuptimplotë. Fushata e presionit do të vijojë dhe do të intensifikohet, por nëse ata duan të flasin, atëherë edhe ne do të flasim”, ka sqaruar Pence./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono