SHBA, gati planin e paqes për Lindjen e Mesme

17:05 | 12/02/201917:050

Administrata amerikane ka bërë gati planin për paqen në Lindjen e Mesme. Por edhe pse nuk është publikuar ende, ky plan është refuzuar nga autoritetet palestineze, që vazhdojnë të kritikojnë politikat e Trump në Lindjen e Mesme.

Plani për paqen në Lindjen e Mesme i hartuar nga administrata amerikane është gati dhe i është paraqitur presidentit Donald Trump. Lajmin e bën të ditur “Fox News”, që citon burime qeveritare, sipas të cilave njoftimi zyrtar për planin do të bëhet pas zgjedhjeve të 9 prillit në Izrael. Trump u informua për planin nga ambasadori amerikan në Izrael, Dejvid Frimen, dhëndri i tij Xhared Kushner dhe i dërguari i posaçëm për Lindjen e Mesme, Xhejzon Grinblet. Burimet qeveritare refuzojnë të japin detaje mbi përmbajtjen e tij duke nënvizuar se aksesi tek dokumenti është rreptësisht i kufizuar, por thonë se ka disa opsione për të ardhmen e rajonit, përfshirë këtu paqen mes Izraelit dhe Palestinës.

Ekspertët mendojnë se plani i paqes do të jetë efikas mes të tjerash edhe për të frenuar ambicjet e Iranit në rajonin e Lindjes së Mesme. Ndërkohë, palestinezët kanë refuzuar ftesën e bërë nga autoritetet amerikane për ditën kur do të prezantohet plani. I pyetur nga “Fox News”, presidenti Mahmud Abaz ka deklaruar se veprimet e deritanishme të presidentit Donald Trump në Lindjen e Mesme nuk kanë qenë aspak inkurajuese, ndaj dhe pritshmëritë nga plani i tij janë negative. Sidoqoftë, këshilltarët Kushner dhe Grinblet do të udhëtojnë javën e ardhshme në Europë dhe më pas në vendet arabe për t’ua prezantuar planin aleatëve./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono