Sekuestrohen 10 milionë euro pasuri, dyshohet nga trafiku i drogës

22:14 | 20/03/2018

Gjykata për Krimet e Rënda ka vendosur nën sekuestro disa pasuri me vlerë 10 milionë euro në Tiranë, pas dyshimeve se mund të jenë krijuar nga fitime të trafikut të narkotikëve. Pronat në fjalë i përkasin shtetasit Luan Spahiu. Ai rezulton të jetë dënuar në vitin 2011 nga drejtësia gjermane për përfshirje në trafikun e drogës nga vendet e Amerikës Latine në Gjermani. Sipas prokurorisë, në sekuestro janë vendosur 32 apartamente, tre njësi tregtare, një vilë, disa garazhe, dy sipërfaqe trualli rreth 23 mijë metër katrorë, të gjitha në kryeqytet si edhe disa automjete luksoze. Kërkesa për sekuestro është pranuar edhe për një shoqëri ndërtimi në pronësi të tij. Bëhet e ditur se vendimi i gjykatës është shpallur disa ditë më parë, por është ekzekutuar së fundmi nga Policia e Shtetit. /abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono