Sekretari amerikan i shtetit Pompeo dhe Mogherini “përplasen” për Iranin

12:10 | 14/05/2019

Sekretari amerikan i shtetit Majk Pompeo u takua të hënën me përfaqësuesen e lartë të BE-së Federika Mogerinin në një vizitë surprizë në Bruksel. Ndërsa gjatë ditës Pompeo pritet të takohet në Rusi me presidentin Putin.

Një vizitë surprizë ajo e sekretarit amerikan të shtetit Majk Pompeo në Bruksel. Kreu i diplomacisë amerikane u takua me Federica Mogherini, përfaqësuesen e lartë të Bashkimit Evropian për çështje të jashtme dhe politikën e sigurisë. Por Evropa dhe Shtetet e Bashkuara të Amerikës janë ende të ndara  për sa i përket politikës që duhet të ndiqet ndaj Iranit

Pompeo modifikoi axhendën e tij. Ai hoqi dorë nga vizita në Moskë për të kaluar në Bruksel, ditën e takimit të ministrave të jashtëm të 28 vendeve anëtare të BE-së.

Kreu i shtëpisë së bardhë Trump, vendosi në mënyrë të njëanshme të braktisë marrëveshjen ndërkombëtare që e detyronte republikën islamike të hiqte dorë nga pasurimi i uraniumit dhe të kishte një arsenal bërthamor, në shkëmbim të normalizimit gradual të marrëdhënieve me komunitetin ndërkombëtar. Një vendim që nuk u prit mirë nga Brukseli.

Mogerini u shpreh se Majk Pompeo dëgjoi në Bruksel së aktualisht ky është një moment kritik e delikat dhe se në momente të tilla, gjëja më e përgjegjshme që mund të bëhet është shmangia e përshkallëzimit.

Irani akuzohet ndër të tjera se ka sabotuar dy petroliere të Arabisë Saudite, një nga aleatët më besnikë të Shteteve të Bashkuara të Amerikës. Incidentet u sinjalizuan në Gjirin Persik, duke shënuar përplasjen më të fundit mes Teheranit dhe Riadit rreth burimit më të çmuar, atë të naftës./ABC News Albania 24/7

 

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono