11:18 | 24/05/2018

Ish-kryeministri i vendit, Sali Berisha, ishte i ftuar në “Byro Politike” nga Juli Xhokaxhi ku foli rreth zhvillimeve më të fundit politike.

Ai  iu përgjigj akuzave të Edi Ramës për lidhjet e kokainës së kapur në Maminas me drejtues të PD-së, duke thënë se ato kanë qëllim të maskojnë lidhjet e Olsi Ramës me këtë sasi droge.

Duke folur për çështjen e audiopërgjimit, që sipas PD implikon vëllanë e ministrit të Brendshëm në trafik droge, ish-kryeministri Berisha tha se njerëz të caktuar në PD janë kërcënuar para publikimit të bisedës mes Albert Veliut dhe Agron Xhafajt, në mënyrë që ajo të mos publikohej.

Sipas ish-kryeministrit, ministri i Brendshëm është hipokrit, pasi po mbron vëllanë e tij të dënuar, fsheh dënimin në Venezuelë dhe kërkesën e saj për ekstradimin e Agron Xhafajt si dhe ka ndryshuar ligjin me qëllim për të shpëtuar të vëllanë.

Berisha foli edhe për reformën në drejtësi që sipas tij, mosfunksionimi i Gjykatës Kushtetuese ka rrëzuar Kushtetutën e vendit, ligjin themelor të shtetit./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono