Sadiku i emocionuar pas golit të parë në Zvicër

08:22 | 18/02/2019

Armando Sadiku u shpreh shumë i emocionuar pas golit të parë të shënuar me Luganon në Zvicër. Sulmuesi i kombëtares kthehet te goli pas 8 muajsh dëmtimi.

Gati 7 muaj pritje për këtë çast. Armando Sadiku u kthye te goli, për herë të parë që nga dëmtimi i rëndë pësuar në Spanjë në Gusht 2018. Sulmuesi i kombëtares shqiptare hapi serinë e golave për Luganon, në fitoren e thellë 3-0 në Superligën e Zvicrës, në fushën e Lucernës, duke mos mundur t’i mbante lotët më pas.

“Ishte një emocion i madh, – tha ai pas ndeshjes, – ishte një gol shumë i rëndësishëm për mua. Thjesht jam i lumtur, dhe mund të gëzoj pas një periudhe shumë të vështirë për mua dhe për familjen time”.

Mediat zvicerane po ashtu theksuan rikthimin e shënuesit të madh shqiptar. Sadiku u dëmtua me Levanten, dhe u desh të riaftësohej duke humbur sërish një numër të madh ndeshjesh, siç i kishte ndodhur edhe në të kaluarën.

Vlen të theksohet se goli i shënuar në fushën e Lucernës, ishte thuajse identik me atë që ai realizoi në Euro 2016, në fitoren e parë dhe të vetme të Shqipërisë në finalet e një Europianit. Tifozët shqiptarë kanë shpresë që sulmuesi kryesor të jetë gati për kombëtaren, për nisjen e eleminatoreve të Europianit të radhës, në Mars ndaj Turqisë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono