“Sa dhëmbë ka Luana Vjollca?” dhe 20 pyetjet e tjera të testit të inteligjencës nga Mustafa Nano

20:15 | 10/05/2019

Ndryshe nga herët e tjera, emisioni “Provokacija” nuk u hap me monolog, por me një test. I përgatitur nga vetë moderatori Mustafa Nano, testi mat koeficientin e inteligjencës. Megjithatë siç sqaron vetë ai, kur t’i përgjigjeni pyetjeve nuk është e thënë t’u përgjigjeni të gjithave sepse disa gjëra nuk i dimë.

“Ky është një test që unë e quaj një test për të matur IQ. Nuk është e thënë që t’u përgjigjeni të gjithave sepse ka gjëra që nuk i dimë. Ka gjëra që secili prej nesh nuk i di. Siç kanë thënë edhe grekët e lashtë, ‘dimë një gjë që nuk dimë asgjë’”, tha Nano.

Pyetjet e testit:

-Cili është kuptimi i fjalës “i topitur”:

Drithërues

I shtangur

I rëndë

Në agoni

-Si shkruhet:

Ia tha atyre

Ja tha atyre

Ua tha atyre

Jua tha atyre

-Nëse unë them “qytezë” në mendje ju vijnë:

Vëllezërit Belushi

Vëllezërit Nazarko

Vëllezërit korçarë Stefi dhe Endri

Motrat Qiriazi

-Kush e ka shkruar “Lulja e kujtimit”:

Mitrush Kuteli

Faqion Postoli

Petro Marko

Pëllumb Kulla

8+2/4-2 është baraz me

5 apo 9 apo 7,5?

-Në Kanunin e Lekë Dukagjinit thuhet se:

Grueja asht shakull për me mbajt

Grueja asht shtylla e shpisë

Mbi gruen nuk vihet dorë

Grueja nuk ban me nxjerr za gjatë aktit seksual

-Termi “Forensik” lidhet me:

Pyjet

Parlamentin britanik

Sportin e golfit

Hetimin kriminal

-Cili lumë kalon në Skrapar:

Osumi

Shkumbini

Vjosa

Devolli

-Si quhej dinastia e famshme mesjetare e serbëve:

Nemanjiç

Cernojeviç

Dushanoviç

Kopiliç

-Cili është komandamenti i parë:

Mos lejo skllavërinë

Mos vrit

Ndero prindërit

Mos adhuro Zot tjetër përveç meje

-Çfarë është klitori:

Emri i një dhëmballë

Emër i një race andaluziane qensh

Një lloj luleje e egër në zonën e Lurës

Pika më erogjene në trupin e femrës

-Kush e pagëzoi Jezu Krishtin:

Ndue Pagëzori

Gjon Pagëzori

Gjin Pagëzori

Zef Pagëzori

-Etimologjia është një shkencë që studion:

Insektet

Origjinën e fjalëve

Origjinën e jetës

Verërat

120/1000=

12%, 120% apo 1,2%?

-Cila nga gjashtë gjërat e mëposhtme është më pak e ngjashme se 5 të tjerat:

Limoni

Thana

Fasulja

Kajsia

Ftoi

Rrushi

-Cili nga personat e mëposhtëm nuk mori pjesë në Kongresin e Manastirit:

Gjergj Fishta

Shahin Kolonja

Faik Konica

Luigj Gurakuqi

-Sa dhëmbë ka Luana Vjollca:

32, 42, 28, apo 18?

-Formula e Pagëzimit është:

Një roman i Ismail Kadaresë

Dokumenti i parë i shkruar në gjuhën shqipe

Emri i një koalicioni partish në Spanjë

Këngë e kënduar nga Noizy

-Zekati është:

Një lagje e Prizrenit

Një futbollist i Ajaxit

Një shoqatë myslimane anti trump në Amerikë

Një urdhërim i fesë islame për të asistuar ekonomikisht të varfërit

-“Të lumët na për t’Lumin Zot” është një varg i marrë nga:

Eposi i Kreshnikëve

Komedia Hyjnore

Lahuta e Malcis

Libri i Psalmeve

-Cilat nga qytetet e mëposhtme nuk është në Kosovë:

Kragujevac

Zubin Potok

Shtërpcë

Graçanicë

/abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono