Rusia minimizon rëndësinë e protestave në Moskë

09:02 | 14/08/2019

Kremlini minimizoi protestat e fundit në Rusi dhe hodhi poshtë pohimet se ato kanë krijuar një krizë politike në vend. Zëdhënësi Dmitry Peskov u tha gazetarëve se Presidenti Vladimir Putin nuk ka komentuar për demonstratat sepse nuk i sheh ato si “të jashtëzakonshme”.

Zëdhënësi mbrojti gjithashtu masat e policisë, duke thënë se veprimet e tyre të forta në protesta ishin të justifikuara.

Në protestën e fundit të dielën, dhjetëra mijëra njerëz u mblodhën në qendër të Moskës, ku kritikuan përjashtimin e disa kandidatëve të opozitës nga zgjedhjet e ardhshme lokale.

Protesta ishte një nga më të mëdhatë në Rusi në tetë vjetët e fundit. Policia ka arrestuar disa mijëra protestues në mitingjet e muajit të kaluar. Autoritetet pretendojnë se kandidatët në fjalë nuk arritën të mbledhin firmat e mjaftueshme për t’u regjistruar në zgjedhje./VOA


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono