Rusia kritikon NATO-n: Po anëtarëson me forcë Maqedoninë

21:19 | 12/07/2018

Rusia ka se ftesa për anëtarësim që NATO i bëri Maqedonisë. Në një reagim zyrtar, Moska ka akuzuar Aleancën se politikën e “dyerve të hapura” po e përdor si vegël për të pushtuar territore gjeo-politike.

Ministria e Jashtme ruse ka akuzuar të enjten NATO-n se po tërheq me forcë Maqedoninë në radhët e saj, një ditë pasi vendet anëtare i bënë ftesën e anëtarësimit. Në reagimin e saj, Moska ka deklaruar se një lëvizje e tillë thellon ndarjet dhe rrit tensionet në Europë. “Tërheqja me forcë e Maqedonisë në NATO vetëm sa konfirmon se politika e dyerve të hapura është kthyer në një vegël për të përfituar territor gjeo-politik”, thuhet në një deklaratë të Ministrisë së Jashtme ruse. Të mërkurën, në përfundim të ditës së parë të punimeve të samitit të NATO-s në Bruksel, sekretari i përgjithshëm Jens Stoltenberg konfirmoi qëndrimin e unifikuar të aleatëve për pranimin e Maqedonisë. Stoltenberg tha se pas arritjes së marrëveshjes mes Athinës dhe Shkupit për të zgjidhur çështjen e emrit kushtetues të ish-republikës jugosllave, Maqedonia është gati të nisë negociatat e anëtarësimit. Përfshirja e saj në aleancën ushtarake perëndimore sjell zgjerimin e saj në Ballkan dhe njëkohësisht përbën një sfidë ndaj përpjekjeve të Rusisë për të rritur influencën në rajon. /abcnews.al

 





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono