Ruçi vizitë zyrtare në SHBA, takon kongresmenë e senatorë


15:50 | 07/12/2017

Kryetari i Kuvendit, Gramoz Ruçi, po zhvillon një vizitë zyrtare në SHBA, me ftesë të kongresmenit Robert Pittinger. Ky i fundit, me cilësinë e zv/kryetarit të N/komisionit për Terrorizmin dhe Financimin e Paligjshëm, zhvilloi një takim me kryeparlamentarin, ku shprehu gatishmërinë për intensifikimin e marrëdhënieve dypalëshe. “Të dyja vendet tona ndajnë të njëjtat angazhime, të njëjtat vlera dhe pikëpamje, si dhe të njëjtat shqetësime. SHBA duan që Shqipëria të jetë një vend i fortë, i sigurt, që gëzon paqe e begati”, u shpreh Pittinger. Nga ana e tij, Ruçi theksoi se “vizioni për një Shqipëri të fortë dhe të besueshme mbështetet mbi partneritetin strategjik me SHBA”. Kryeparlamentari falënderoi Shtetet e Bashkuara për rolin në miratimin e reformës në drejtësi. “Falë kësaj reforme, që u përgatit dhe u miratua me mbështetjen tuaj, ne do të kemi një sistem të besueshëm drejtësie”, u shpreh Ruçi. Në këtë vizitë – ku u takua edhe me disa senatore – ai shoqërohet nga kreu i grupit parlamentar të PS, Taulant Balla, kryetarja e Komisionit të Jashtëm, Mimi Kodheli dhe kreu i grupit parlamentar të Partisë Republikane, Fatmir Mediu, si dhe deputeti Anastas Angjeli./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono