Rruga Thumanë-Kashar/Qeveria miraton bonusin për GENER 2

14:27 | 14/03/2018

Qeveria i hap rrugën projektit të dytë të Programit 1 Miliardë për Rindërtim, aksi Kashar – Thumanë, segment me rëndësi të posaçme për infrastrukturën rrugore të Shqipërisë që duam.Ndërlidhje më e shpejtë dhe më e sigurtë e Veriut me Kryeqytetin.

Nëpërmjet këtij stausi në rrjetet sociale kryeministri Edi Rama dha lajmin se 20.8 kilometrat që kishin mbetur pa u përfunduar do ti japin mundësinë Rrugës së Kombit që të jetë plotësisht e ndërtuar.

Qeveria miratoi vendimin që i jep një bonus prej 8.5 pikësh kompanisë GENER 2 lidhur me projektin e paraqitur si ofertë e pakërkuar për ndërtimin e rrugës Thumanë-Fushë Krujë-Vorë-Kashar. Ky projekt që kushton 244 milionë euro përfshin ndërtimin e 12 urave. Nga studimi i fizibilitetit rezulton se shoqëria “Gener 2” ka marrë përsipër pjesën më të madhe të risqeve.Vecanërisht në lidhje me fazën e mirëmbajtjes dhe operimit, risku i disponueshmërisë së veprës, i cili ka të bëjë me ofrimin e një aseti sipas cilësisë dhe standartit të kërkuar dhe që përmbush në mënyrë cilësore nevojat e përdoruesëve, merret nga pala private. Kontrata 10 vjeçare parashikon dy vitet e para ndërtim dhe 8 vite mirëmbajtje. Ky investim parashikohet të jetë gati pas 24 muajsh.

Ndërsa brenda vitit do të jetë gati autostrada Tiranë Elbasan, një tjetër vendim i qeverisë që u mor në mbledhjen e fundit. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono