Rritet numri i të prekurve nga virozat


17:02 | 10/08/2018

Temperaturat e larta dhe mbipopullimi i plazheve e pishinave ka rritur numrin e personave të prekur nga virozat. Mjekët këshillojnë për kujdes të shtuar kryesisht tek fëmijet e vegjël, pasi simptomë e virozës në këtë sezon është temperatura e lartë, që zgjat disa ditë.

Bëni kujdes në plazhe dhe pishina! I nxehti dhe mbipopullimi i tyre ka ndikuar në përhapjen me shpejtësi të virozave që shoqërohen me temperaturë të lartë për disa ditë.

Blerta Deda, pediatre:“Mund të prekin dhe pjesën e gojës me atë sëmundjen tipike që quhet sëmundja dorë-gojë-këmbë.”

Rastet më të shpeshta mjekët i kanë kostatuar tek fëmijët. Këto viroza përhapen nga kontakti i ngushtë me personin e infektuar, prandaj mjekët këshillojnë më shumë vëmendje ndaj higjenës personale.

Blerta Deda, pediatre:“Në përgjithësi nëpërmjet rrugëve ajrore, spërklat, tështima apo në kontakt të ngushtë me sende dhe objekte që përdor personi i infektuar psh: gotën, lugën apo prekja shumë e afërt me duar e vezikulave e lezioneve të infektuara. Faktorët që i predispozojnë për tu përhapur shumë në këtë sezon janë temperaturat shumë të larta si dhe mbifrekuentimi i plazheve dhe pishinave, sepse dendësia është shumë e madhe për ato sipërfaqe.”

Mesatrisht në një ditë, një mjek pediatër në një qendër shëndetësore në Tiranë, kryen rreth 30 vizita. Ky numër në urgjencën e pediatrisë në Qendrën Spitalore “Nënë Tereza” në Tiranë është më i lartë. 24 orët e fundit këtu kanë kërkuar ndihmën e mjekut rreth 250 pacientë të vegjël./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono