Rreth 19 mijë shqiptarë kërkuan azil në 2018-n

15:59 | 14/03/2019

Shqiptarët renditen në listën e dhjetë azilkërkuesve më të mëdhenj publikuar nga Eurostat. Vitin e shkuar rreth 19 mijë persona dëshironin të largoheshin nga vendi. Numri më i madh i kërkesave ishte për në Francë.

Rreth 19 mijë shqiptarë aplikuan për azil në vendet e Bashkimit Europian vitin që lamë pas. Të dhënat e fundit të publikuara nga Eurostat i rendisin në  listën e 10 azilkërkuesve më të mëdhenj në BE.

Shqiptarët pozicionohen të nëntët pas sirianëve, afganëve, irakenëve, pakistanezëve e të tjerë, por në raport me numrin e popullsisë duan të ikin më shumë se kushdo tjetër, duke u renditur të parët. Thuajse gjysma e tyre, rreth 44%  ose 8 mijë e 280 kanë kërkuar azil në Francë.

Ndërsa në të gjithë Bashkimin Europian, shqiptarët përfaqësojnë rreth 3% të totalit prej 580 mijë azilkërkuesish. Ndonëse shifrat mbeten të larta në raport me vitet e kaluar numri i aplikantëve për azil ka rënë. Në vitin 2017 u regjistruan 26 mijë kërkesa, ndërsa numër rekord aplikimesh mban viti 2015 me 69 mijë aplikime. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono