Ronaldo, jashtë fushave të lojës për dy javë

18:30 | 26/03/201918:300

Cristiano Ronaldo pësoi një dëmtim mbrëmjen e kaluar në ndeshjen që Portugalia luajti në shtëpi ndaj Serbisë. Ylli luzitan pritet të qëndrojë jashtë fushave të lojës për dy javë.

Nuk shkoi ashtu siç pritej rikthimi i Cristiano Ronaldo-s tek kombëarja e Portugalisë. Ylli i Juventusit nuk arriti të realizonte në dy takimet e para kualifikuese, por ajo që ka më tepër rëndësi është dëmtimi i pësuar në ndeshjen ndaj Serbisë mbrëmjen e kaluar.

34-vjeçari u detyrua të lërë fushën e lojës pas një tërheqje në këmbën e djathtë. Lëndim, i cili pritet ta lërë Cristiano-n të paktën dy javë jashtë fushave të blerta. Pas ndeshjes, Cristiano deklaroi se nuk është aspak i shqetësuar për këtë dëmtim pasi do të rikuperohet plotësisht pas dy javësh.

Gjithsesi në kampin bardhezi janë të shqetësuar pasi në datën 10 dhe 16 Prill, Juventus do të luaje dy takimet e fazës çerekfinale ndaj Ajax në Ligën e Kampionëve. Gjithsesi duke u bazuar tek fjalët e Cristiano-s, ai do të jetë i gatshëm për duelin e parë në datën 10 Prill. Në Serie A, Ronaldo do të mungojë kundër Empolit, Kaljarit dhe Milanit, ndërkohë që pritet të jetë gati për ligën e kampionëve.  /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono