Rinumërohen kutitë e Lezhës, Ndocajt i mungonin vetëm 4 vota

11:15 | 12/07/2019

Komisioni Qendror i Zgjedhjeve rinumëroi sot 11 kuti të Lezhës, nga ku nuk rezultoi të kishte fletë votimi më shumë se sa votues. Kandidati që ishte ankuar, Eduard Ndocaj, rezultoi që t’i ishin marrë vetëm 4 vota. KQZ rrëzoi kërkesën për shpalljen e pavlefshme të këtyre qendrave të votimit.

Kutitë e Lezhës janë të pastra. Për rreth një orë KQZ numëroi 11 kuti të kësaj bashkie, ku rezultoi se 9 të ishin plotësisht të rregullta dhe vetëm në 2 të kishte pasaktësi me diferencë të vogël votash.

Ndocajt i mungonin vetëm 4 vota, në një qendër votimi një votë i ishte shtuar Pjerin Ndreut, ndërsa në një tjetër 3 vota i ishin shtuar kandidatit të Bindjes Demokratike, Salvador Kacajt.

Në këto kushte, KQZ vendosi të rrëzojë kërkesën e Partisë Konservatore Albania për pavlefshmëri të procesit në këto qendra.

Nga rinumërimi nuk  u  vërtetua as pretendimi i dytë i ankuesve, që pretendonin më shumë vota në kuti, se sa ishin vërtetë votues.

Këto ishin kutitë e para që u hapën për 30 qershorin. Ndërkohë, më herët KQZ refuzoi kërkesën e Bindjes Demokratike për hapjen e kutive në 41 bashki të vendit./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono