Rezultate magjike për Partizanin, Tirana shpëton në ndeshjen e fundit

23:10 | 30/05/201923:100

Sezoni 2018-19 rezultoi historik për Partizanin që u shpall kampion pas 26 vitesh. Tirana ia doli të qëndrojë në mesin e më të mirave në futbollin shqiptar ndërkohë që për Skënderbeun ishte sezon i dështuar.

Kategoria superiore zhvilloi ndeshjet e fundit të edicionit 2018- 19 ku u përcaktuan edhe verdiktet përfundimtare për skuadrat.

Partizani e mbylli sezonin si kampion në kategorinë superior në kuotën e 70 pikëve, plot 11 pikë më shumë se rivali më i afërt, Kukësi, që siguroi kualifikimin në kupat e Evropës. Të kuqtë do të luajnë në verë në fazën eleminatore të Champions League, një kompeticion që do ti sjellë shumë të ardhura skuadrës së teknikut Gega.

Vendi i tretë u sigurua nga skuadra e Teutës në kuotën e 57 pikëve që i bashkohet Kukësit në përfaqësimin e klubeve shqiptare në Evropa League. Ndjek Skënderbeu, me dy pikë më pak që nuk arritën asnjë objektiv sezonal. Vetëm vendi i pestë për skuadrën e Flamurtarit që e mbylli edicionin në kuotën e 54 pikëve.

Një sezon i dështuar mund të konsiderohet për Laçin që e mbylli në vendin e  gjashtë në kuotën e 49 pikëve. Tirana siguroi mbijetesën në kategorinë superior dhe ndan vendin e 7 dhe të 8 me Luftëtarin, me nga 47 pikë secila. Kastrioti e mbyll në kuotën e 42 pikëve dhe zbret një kategori më poshtë ashtu si Kamza që u përjashtua nga Komisioni i disiplinës./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono