Reuters: Greqia zgjeron ujërat me 12 milje në detin Jon

18:40 | 11/02/2019

Sipas agjencisë së lajmeve Reuters, Greqia shumë shpejt do të deklarojë shtrirjen e ujërave të saj territorial, edhe për 12milje të tjera në detin Jon. Strategji e kryeministrit grek Tsipras për të marrë më shumë pikë në elektorat .

Greqia ka shumë gjasë që të deklarojë së shpejti shtrirjen e ujërave territoriale me 12 milje, në detin Jon. Lajmi, është publikuar nga agjencia Reuters. Sipas saj janë bërë lëvizje në drejtim të shtrirjes së ujërave territorialë në detin Jon, me 12 milje nga 6 që janë sot. Sipas Reuters, konsiderohet se një gjë e tillë do të mund të zbuste reagimet që u shënuan për shkak të Marrëveshjes së Prespës dhe të lejojë krijimin e zonave ekskluzive ekonomike përreth Greqisë, Shqipërisë dhe Italisë. Por do të mundte gjithashtu të ndezë tensione me Turqinë.

Agjencia prestigjoze e ka përfshirë këtë çështje në analizën me titull “Si kryeministri grek shpreson të zgjidhë enigmën e zgjedhjes së tij”.

“Kryeministri Aleksis Tsipras po implementon gjashtë muajt e fundit strategjinë për rizgjedhjen e tij, duke e drejtuar Greqinë nga një shpëtim i turpshëm dhe zgjidhjen e një konflikti shumëvjeçar me Maqedoninë”.

Por sipas Reuters, kjo është e një strategji e cila nuk po jep fryte, përderisa, më pak se tetë muaj nga mbajtja e zgjedhjeve të përgjithshme, partia e tij SYRIZA është shumë mbrapa në sondazhe./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono