Refuzoi rikthimin te Barcelona, Onana shpjegon arsyet
Andre Onana, portieri i Ajaksit

16:41 | 22/10/201916:410

Andre Onana shkëlqeu sezonin e kaluar me Ajaksin. Portieri është pjesë e kampionëve të Holandës prej janarit të vitit 2015. Një sezon u aktivizua me ekipin e dytë për t’u bërë pjesë e ekipit të madh një vit më vonë.

Kamerunasi u bë pjesë e fondacionit të Samuel Eto’o dhe në moshën 13-vjeçare u transferua te Barcelona. Klubi katalanas ka dashur ta rikthejë përsëri gjatë verës së kaluar, por Onana nuk refuzoi.

23-vjeçari preferoi të vazhdonte si titullar tek Ajaksi dhe jo të ishte zëvendësuesi i Ter Stegen, ndërsa ka zbuluar këtë prapaskenë në një prononcim për RMC Sport. Për afrikanin shfaqi interesim edhe PSG, por marrëveshja me kampionët e Francës nuk u arrit kurrë.

Barcelona u interesua për mua gjatë verës. Jam rritur në atë klub dhe e cilësoj si shtëpinë time. Ata tentojnë gjithmonë të firmosin më ndonjë prej ish-lojtarëve, por nuk ishte momenti i duhur për t’u rikthyer. Ndoshta nuk do ta kem më një shans të tillë, por nuk ishte koha e duhur për ta bërë diçka të tillë në verë.

Pati edhe një interesim të PSG-së kundrejt meje. Agjenti im bisedoi me klubin francez, por marrëveshja nuk u arrit. Nuk dua të tregoj se çfarë ndodhi, ajo mbetet mes profesionistëve. Është detyra e agjentit tim të menaxhojë situata të tilla“, përfundon Andre Onana. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono