Referendumi për emrin, SHBA- BE mesazh maqedonasve


19:45 | 13/09/2018

E ardhmja europiane dhe euro-atlantike e Maqedonisë varet nga referendumi i 30 shtatorit. Ka qenë ky mesazhi që kanë përcjellë të enjten në Shkup, Përfaqësuesja e Lartë e BE-së Federika Mogerini dhe ndihmës sekretari amerikan i Shtetit, Ues Miçëll.

Shtetet e Bashkuara dhe Bashkimi Europian kanë rikonfirmuar mbështetjen për Maqedoninë dhe rrugën e saj të anëtarësimit në NATO. Pikërisht për të riafirumuar politikën e dyerve të hapura, Shkupi është vizituar të enjten nga shefja e Politikës së Jashtme të BE, Federica Mogherini dhe ndihmës sekretari amerikan i Shtetit, Ues Miçëll. Pas takimeve të zhvilluara me zyrtarët vendas, Mogherini u ka bërë thirrje qytetarëve që të shfrytëzojnë të drejtën e tyre për të votuar duke u bazuar jo tek thirrjet e politikanëve, por tek ambicjet dhe dëshirat e tyre për të ardhmen e vendit. “Më 30 shtator, kur të shkoni të votoni në referendum, ju do të mbani në duar çelësat e të ardhmes së vendit. Ajo është në duart tuaja dhe vetëm në duart tuaja dhe askush tjetër nuk mund ta bëj atë për ju. Mos e humbisni këtë mundësi”, ka deklaruar Mogherini. Duke komentuar thirrjet e partisë opozitare VMRO-DPMNE, shefja e diplomacisë europiane ka nënvizuar se, politikanët duhet të mbajnë përgjegjësi për atë që mund të ndodhë në vend nëse ky shans që kanë u shpëton nga duart. Në të njëjtat linja, Miçëll ka përcjellë mesazhin se votimi pro marrëveshjes me Greqinë në referendumin e 30 shtatorit është çelësi për zhbllokimin e rrugës së integrimit. “Faktori ndërkombëtar pret një referendum të suksesshëm për paktin me Greqinë dhe natyrisht zbatimin e tij”, ka deklaruar Miçëll gjatë takimit me ministrin e Jashtëm Nikolla Dimitrov. Duke komentuar mesazhet, kryeministri Zoran Zaev ka deklaruar se vizitat e zyrtarëve të huaj tregojnë rrugën në të cilën ndodhet Maqedonia. “Tani të gjithë qytetarët duhet të tregojnë unitet dhe vendosmëri në referendumin e 30 shtatorit. Të vendosim për marrëveshjen dhe për të ardhmen tonë”, ka thënë Zaev. Ndërsa lideri i opozitës, Mickoski, pas takimit me Përfaqësuesen e Lartë të BE-së u ka bërë thirrje qytetarëve që më 30 shtator të vendosin me krenari dhe dinjitet. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono