Referendumi në Maqedoni, Çejku: Fitore brenda dështimit

20:54 | 05/10/2018

Ish-ambasadori i Shqipërisë në Maqedoni, Arben Çejku ishte i Ftuar në “Provokacija” për të folur rreth referendumit për marrëveshjen me Greqinë që u zhvillua në Maqedoni. Për Çejkun, referendumi ishte një fitore brenda dështimit.

“Unë e kam cilësuar disa orë pasi përfundoi referendumin si një fitore brenda dështimit, pasi në këndvështrimin e cilësisë së pjesëmarrjes ishte një fitore, duke qenë se ata që morën pjesë votuan 90% pro. Kurse ishte një deshtim përs sasinë e pjesëmarrjes sepse duhet të ishte mbi 50%”, u shpreh Çejku.

Tashmë vendimi do të merret nga parlamenti sipas Çejkut. Ai tha gjithashtu se në Maqedoni mund të ndodhë ajo që ka ndodhur në Shqipëri që kalojnë disa deputetë të opozitës për të bërë mazhorancë.

“Vendimi do të merret nga parlamenti, edhe nëse do të kishte patur sukses. Interpretimi tashmë do të jetë politik. Nuk ka më asnjëlloj interpretimi tjetër. Kjo do të thotë që sa më parë të gjendet një mekanizëm për ta zgjidhur situatën parlamentit aq më mirë është sepse ky referendum do të përcillet në debatin e përditshëm si një mbështetje ose si një referendum i partive sepse VMRO po përpiqet ta paraqesë si referendum partiak, pra si mbështetje masive ndaj VMRO-së. Ndërkohë që LSDM thotë që ata që morën pjesë ishin masivisht pro. Pra kemi dy fitore që nuk korrespondojnë me njëra tjetrën. E vetmja zgjidhje tashmë shihet parlamenti dhe presioni ndërkombëtar do të fokusohet tek parlamenti, tek numri i deputetëve dhe mund të ndodhë ajo që ka ndodhur në Shqipëri që kemi kalim të disa deputetëve për të bërë një mazhorancë për interesat e vendit”, tha Çejku./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono