Referendum për Kosovën në Serbi

14:53 | 15/05/2018

Në pritje të referendumit për Kosovën pas deklaratës së Presidentit të Serbisë Vucic se në Qershor do të jepte propozimin e tij, serbët shprehen kundër njohjes së pavarësisë dhe pro ndarjes së vendit.

Pas deklaratës së Presidentit serb, Aleksandër Vuçiç se njerëzit do të vendosnin vetë për të ardhmen e Kosovës, serbët kanë nisur të hamendësojnë se cila do të jetë pyetja e referendumit.

Televizioni serb Prva TV ka bërë një mini referendum në rrugët e Beogradit të dielën, duke ofruar tre mundësi për Kosovën: Njohje e pavarësisë, konflikt i ngrirë dhe ndarje.

Dikush u përgjigj se do të donte një konflikt të ngrirë dhe jo ndarje pasi Koova, sipas tij, ka qenë gjithnjë tokë serbe.

Të tjerë mendojnë se konflikti i ngrirë është një realitet tashmë dhe se zgjidhja më e mirë do të ishte ndarja. Por pjesa më e madhe nënkuptonin ndarjen e Kosovës dhe jo një konflikt që zgjat pa fund pasi duhej gjetur një zgjidhje. Aktualisht asgjë spo funksionon, theksojnë të intervistuarit.

Rezultatet e nxjerra nga Prva TV pjesërisht përputhen me ato të sondazheve që tregojnë se 80 për qind e serbëve nuk do e pranojnë pavarësinë e Kosovës, por 33 për qind e tyre janë dakord me ndarjen e saj.

Analistët serbë mendojnë se pyetja e referendumit për Kosovën do u tregojë qartë njerëzve se si politikanët në vend mendojnë ta zgjidhin përfundimisht këtë çështje.

Serbia ka zhvilluar shtatë referendume që nga viti 1990 dhe të paktën katër prej tyre kishin si temë Kosovën./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono