Reagon KE për fjalimin e Vuçiç: Rreptësisht kundër deklaratës për Millosheviçin


15:34 | 10/09/2018

Deklarata e presidentit serb Aleksandër Vuçiç duke iu referuar Sllobodan Millosheviçit gjatë vizitës së tij në në Veri të Kosovës ka indinjuar edhe Bashkimi Europian. Në konferencën e përditshme të Komisionit Europian, përmes zëdhënëses Maja Koçijançiç, ky institucion ka bërë publik qëndrimin e rreptë të Bashkimit Europian mbi deklaratën e presidentit serb. Për Bashkimin Europian nuk duhet toleruar asnjë hapësirë për ambiguitet apo mburrje për ata që i mbështesin politikat dhe aksione, që i sollën rajonit të Balllkanit një dhjetëvjeçar mjerimi dhe vuajtjeje. Këto deklarata duhet hedhur poshtë dhe tejkaluar.

Maja Kocijançiç, Zëdhënëse e Komisionit Europian: «Pajtimi, normalizimi i marrëdhënieve dhe fqinjësia e mirë mund të bëhen të mundura vetëm nëse politikat e mëparëshme, që i sollën rajonit të Balllkanit një dhjetëvjeçar mjerimi dhe vuajtjeje do të hiedh poshtë dhe të tejkalohen. Ne nuk duhet të lemë asnjë hapësirë për ambiguitet apo mburrje për ata që i mbështesin këto politika dhe aksione. Vendimet e Gjyakatave Ndêrkombëtare dhe kombëtare mbi këtë çështje janë të qarta. Pajtimi dhe marrëdhënieet e  fqinjësisë së mirë janë parimet që ne si Bashkim Europian mbështesim. Të gjithë partnerët në rajon kanë një perspektivë të qartë europiane dhe ndaj u kërkohet të mbështesin këto parime. Dhe nëse mund të citoj presidentin e Komisionit Europian, Juncker këtë fundjavë. Ai tha, se nacionalizmi kurrë nuk ka zgjidhur probleme por vetëm ka krijuar të tilla ».

Ndërkohë, edhe me insistimin e  vazhdueshëm tê mediave, Komisioni Europian bën të qartë, se nuk do të komentojë negociatat midis Prishtinës dhe Beogradit, por shpreson në një marrëveshje normalizimi midis dy vendeve me ndërmjetësimin e përfaqësuese së lartë të politikës së jashtme dhe të sigurisë, Federica Mogherini. Takimi i radhës midis presidentit të Kosovës, Hashim Thaçi dhe atij të Serbisë, Aleksandër Vuçiç pritet të mbahet këtë muaj. Disa shtete anëtare janë shprehur aktualisht kundër ndryshimit tê kufinjve. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono