Rastësi apo…? Gentian Kasa u ekzekutua nga i njëjti kalibër që vrau Diabolikun

09:20 | 27/01/202009:200

Gruaja e Gentian Kasës ka dhënë një dëshmi të gjatë për policinë italiane. I shoqi 43-vjeçar u ekzekutua mbrëmjen e së shtunës në Romë, teksa po kthehej në burg. Ai ishte në regjim gjysmëlirie, natën shkonte në burg, ditën ishte i lirë.

Ishte pikërisht e shoqja që zbuloi trupin e të ndjerit. Përpara policëve ajo ka thënë se i shoqi kërkonte të niste një jetë të re. “Kishte precedent penal, por donte të niste nga e para,” tha ajo.

Kasa ishte dënuar për trafik droge mes Milanos dhe Ankonës, por edhe për vjedhje.

Për momentin ky ekzekutim ka befasuar policinë. Dëshmitarët dhe kamerat e sigurisë nuk kanë kapur ndonjë moment të rëndësishëm. A ishtë ky një ekzekutim që kërkonte të jepte një shembull?

Corriere della Sera shkruan se i njëjti kalibër që ekzekutoi shqiptarin, u përdor për të vrarë Diabolikun, liderin e ultrasve të Lacios. Fabrizio Piscitelli sapo kishte dalë nga burgu, ku ishte i dënuar për drogë.

Por nuk përjashtohet mundësia që vrasja e shqiptarit të ketë lidhje me arratisjen nga burgu Rebibbia, pikërisht aty ku vuante ai dënimin. Disa prej shqiptarëve të arratisur u identifikuan menjëherë, të tjerët më vonë.

Shqiptari u vra me katër plumba. Mendohet se ai u qëllua edhe pasi u shemb në tokë. Lagjia ku jetonte është një përzierje mes bandash lokale dhe klanesh të fuqishme kriminale.


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono