Rama shtron iftar për besimtarët myslimanë: ISIS në grafmat e fundit

22:39 | 14/06/2018

Kryministria shtroi një Iftar në emër të vëllazërisë fetare, në ditën e fundit të Ramazanit për besimtarët mysliman. Kreu i qeverisë pohoi se, besimi është një dhuratë e paçmueshme e stërgjyshërve dhe duhet mbrojtur e trashëguar si bekim për brezat e pasardhësve tanë.

“Lexo dhe hiq dorë nga dhuna në islam”. Këto dy urdhëresa, Kryeministri Edi Rama i ndau me të ftuarit për Iftarin e organizuar në ditën e fundit të agjerimit për muajin e shenjtë të Ramazanit.

“këto dy urdhëresa nuk i vlejnë vetëm muslimanëve apo edhe të krishterëve, po kujtdo, kudo, kurdo, ashtu sikundër, sofra e iftarit këtu në Shqipëri, nuk është një hapësirë ekskluzive për vetëm ata që agjërojnë, po e kujtdo, kudo e kurdo që merr një ftesë a bën një ftesë, në emër të parimit të madh të dashurisë”.

ISIS është drejt fundit të tij, theksoi shefi i qeverisë, ku pre kanë rënë edhe vetë obkjtet e shenjta dhe sinagogët.

“Nga vandalët e errësirës ku ngjizet fryma shkatërruese e radikalizmit islamik dhe nga vandalizmi i injorancës së shoqërisë së konsumit, dhe i politikës së konsumit. Duhet mbrojtur ashtu siç thonë dy urdhëresat, hiq dorë nga dhuna në Islam dhe lexo!

Çka ISIS u ofronte idhtarëve të tij ishte vuajtje dhe vdekje. ISIS po vdes edhe vetë më në fund, por mbetet i gjallë e i fortë mesazhi i qartësisë së akullt kriminale: Të godasim, në përçmim të plotë të jetës, të jetës si e tillë në vetvete, në çdo vend dhe në çdo kohë. Fryma shkatërruese e asaj mortjeje u tregoi syhapurve, se dhuna në Islam nuk bën dallim mes kishave, xhamive e sinagogave dhe se vetë Islami, po aq sa krishterimi dhe judaizmi, është viktimë e njëjtë, e barabartë e kësaj dhune në islam”.

Në fund Rama e mbylli me vargjet e poemes së She Adem Rada, e shkuar në fillim të shekullit të 20

“O Shqipni lulja xhenetit

Për Krishtit e Muhametit

As keni mendu ju a të mjerë

Ky yll kjo drit se do të vij ndonjëherë?

Unë i mjeri shumë sa hoqa e u përpoqa

Mal më mal e shkrep më shkrep

Kjo ka qënë nafak prej Zotit

Por rroft e qoft kjo Shqipnija

Rroft e qoft me gjithë flamur

Për ty bëj be për syt e ballit

Zemra e jeme s’prishet kurrë!” ./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono